एमआयडीसी पोलीस ठाणे हधीतून दोन परदेशी बनावटीचे पिस्टल व पाच जिवंत काडतुसे विक्री आलेल्या इसमास जेरबंद करून त्याच्याकडुन 02 लाख 10 हजार 500 रुपयाचा मुद्येमाल हस्तगत
दैनिक_लोकशाही_मतदार
सोलापूर - सोलापूर शहर येथे बेकायदेशीर अग्निशस्त्र बाळगणाऱ्या व विक्री करणाऱ्या इसमांची माहिती काढुन करण्यास त्यांचेवर कारवाई करणेकामी मा. पोलीस आयुक्त राजेंद्र माने व मा. पोलीस उप-आयुक्त परिमंडळ विजय कबाडे यांनी सुचना दिल्या होत्या. त्याअनुषंगाने एमआयडीसी पोलीस ठाणे, सोलापूर शहरचे वरिष्ठ पोलीस निरीक्षक राजन माने यांनी गुन्हे प्रकटीकरण पथक प्रमुख पोलीस उप-निरीक्षक विक्रम रजपूत यांना आदेशीत केले होते. त्यानुसार पोलीस उप-निरीक्षक विक्रम रजपूत व त्यांचे पथक हे अवैध शस्त्र बाळगणारे व विक्री करणाऱ्या संशयीतांच्या पाळतीवर होते. पथकातील पोहेकॉ 127 राकेश पाटील यांना त्यांचे गोपनीय बातमीदारामार्फत खात्रीशीर बातमी मिळाली की, एक इसम परदेशी बनावटीचे पिस्टल विक्री करण्याकरीता सुनिल एमआयडीसी, पाण्याच्या टाकीजवळ येथे येणार आहे. त्यानुसार त्यांनी सदरची माहिती पोलीस उप-निरीक्षक विक्रम रजपूत यांना दिली. त्यानंतर मिळालेल्या बातमीनुसार दि.01.10.2023 रोजी मध्यरात्री 01.00 वा. चे सुमारास पोलीस उप-निरीक्षक रजपूत व त्यांचे पथक सुनिल नगर पाण्याच्या टाकीजवळ सापळा लावुन थांबले असता तिथे काही वेळाने एक इसम हातात पिशवी घेऊन चालत येत असल्याचे दिसले. सदरचा इसम दिसताच बातमीदाराने इशारा केला त्यावेळी पोकों/1587 याळगी यांनी त्यास थांबण्यास सांगीतले असता तो संशयीत इसम पळुन जाण्याचा प्रयत्न करु लागला, तेंव्हा डी.बी. पथकातील इतर अंमलदारांनी त्यास झडप घालून जागीच पकडले व त्याच्या कमरेला लावलेले आणि कापडी पिशवीतील असे दोन परदेशी बनावटीचे पिस्टल व पाच जिवंत काडतुसे असा एकुण 02 लाख 10 हजार 500 रुपयाचा मुद्देमाल हस्तगत करुन आरोपी नामे सुनिल लक्ष्मीकांत अकोले, वय-30, रा. 43, न्यू सुनिल नगर, एमआयडीसी, सोलापूर यास अटक केली आहे. सदरील आरोपी हा रेकॉर्डवरील गुन्हेगार असुन व्याच्यावर एमआयडीसी, जेलरोड, जोडभावी पेठ पोलीस स्टेशनमध्ये जबरी चोरी, जबरी चोरी करत असताना दुखापत करणे तसेच घरफोडी सारखे विविध गुन्हे दाखल आहेत.सदरची कामगिरी मा. पोलीस आयुक्त राजेंद्र माने, मा. पोलीस उप-आयुक्त परिमंडळ विजय कबाडे, सहा. पोलीस आयुक्त संतोष गायकवाड, वरिष्ठ पोलीस निरीक्षक राजन माने, पो.नि शिवशंकर बोंदर यांचे मार्गदर्शनाखाली पोलीस उप-निरीक्षक विक्रम रजपुत, पोहेकॉ राकेश पाटील, नाना उबाळे, दिपक डोके, सचिन भांगे, पोना. मंगेश गायकवाड, पोकों, सुहास अर्जुन, शंकर याळगी, काशीनाथ वाघे, दिपक नारायणकर, शैलेश स्वामी, अमोल यादव, अमर शिवसिंगवाले, आमसिध्द निंबाळ, देवीदास कदम, भारतसिंग तुक्कुवाले यांनी पार पाडली.